diari ramadan hasbullah awang

Den dulu ponah skulah kek sebuah skulah asrama ponoh di sebuah daerah remote di kualo pilah…5 taun gak la den skulah kek situ…makno eh 5 taun gak la den poso kek situ…macam2 ragam dan ngoman den nengok dak2 ni poso….den dlu dok sebilik ngan joker2 skulah…time poso mmg time paling sodap bagi ktorg…bangun sahur colik mato yo lopeh tu lolap blk…sodar2 dh pkul 7…mengelabah boghok capai kainsal nk p mandi…kang kono sobat ngan TIAU sio2 yo kang….sikit lobih kurang punyo skulah…keringgggggggggggg…loceng skulah bunyi menandokan skulah dh abih….masing2 pakat bungkang sementaro menunggu prep potang…

kerinnnnnngggggg loceng bunyi menandokan prep potang dh selosai….masing2 sumo muko xsabar nk buko poso….jam bru pkul 5 potang…den nengok dzopez ngan heri tongah sibok sarung kasut bola brand abibas yg tah kek mano dorg curik agak eh…”ekau nk poei mano ni hairon”…den ghaso dorg nk fly la….”padang la main bola”…dzopez jorit kek den smbil buat regangan ala kadar…den tecongang…biar boto, tinggi boto stamina mereka ni…kot dunga tau ni mau dio buek training kek skulah den…” apo yg kau tecongang tu..jomla”…toyang ajak den dgn nada yg mengerikan….”moh doreh”…tetibo den dh siap pkai boot FBT longkap ngan jersi Norwich blakang tulih namo syamsa…sikit lobih kurang punyo main…

den dh smpai kek dewan makan…den nengok line sikit punyo panjang lobih panjang dari dak panjang….”bai kau amek limo tray lopeh tu ekau lotak kek mejo ni yo…” amat abu tunjuk pailang kek budak bawah smbil den tumpang skaki….heri ngan dzopez plak sibok lotak teko air sirap kek bawah mejo…”apo mencirit ekau lotak teko tu kek bwh mejo”…den cubo mendugo hairon…”safety first”…sonang yo dio kobar…..smpai bilik masing2 capai kainsal ngan cetong nk siap2 buko poso…baju Norwich blakang tulih syamsa dh slamat den dobikan kek budak bawah…..sikit lobih kurang punyo mandi….azan pun bekumandang…masing2 khusyuk mengadap lauk masing2……bersambung


ini adalah sebiji cetong...dlu biaso tulih namo tkut kono ghembat